УИХ-ын ажлын хэсгийг ахлан Оюу толгойн сонсголыг зохион байгуулсан УИХ-ын гишүүн О.Батнайрамдалаас ОНТРЭ-тэй хийх гэрээний талаар тодруулга авлаа. Тэр Оюу толгойн хэлэлцээр үргэлжилж байна. Монгол улсын Засгийн газар 2025 оны 102 дугаар тогтоолыг 100% хэрэгжүүлэх ёстой. Экспортын орлого 100% Монголын банкаар дамжвал уул уурхайн салбарын хөрөнгийн урсгал Монголд үлдэх боломжтой болж манай талын хүртэх өгөөж 53%-д хүрнэ. ОНТРЭ Монгол улсын хийх түүхэн гурав дахь том хэлэлцээр юм. Шивээ толгой, Жавхлантын хоёр лиценз ОНТРЭ эзэмшилд байдаг.Оюу толгойн бүлэг ордын 32%-д хамаардаг. Энэ хэлэлцээрийг Оюу толгойд гарсан алдаануудаас суралцаж илүү сайжруулж хийх хэрэгтэй. Зэсийн үнэ 40-45% өссөн түүхэн үе ирээд байна. Оюу толгойн эрсдэл нь бага болоод бүтээн байгуулагч төслөөс 100% олборлогч компани руу шилжсэн. Энэ үед хэлэлцээр хийвэл Монголын талд ашигтай байх бүх нөхцөл бүрдсэн. Хэлэнд орсон шар тосыг амттан болгон, боломж болгон авч чадвал Монгол улсын хөгжилд ахиц дэвшил авчирна гэдгийг онцоллоо.