Улсын баяр наадмаар бүх нийтээр 10 хоног амарна. Иргэд орон нутгийн замд зорчихдоо хурдаа тохируулж, гүйцэж түрүүлэх үйлдэл хийхгүй, ядарсан үедээ жолоо барихгүй байхыг ТЦА-наас зөвлөж байна. Мөн орон нутгийн замд зорчихдоо хувийн бэлтгэлээ хангахаас гадна тээврийн хэрэгслийн бүрэн бүтэн байдлыг сайтар шалгаж гарах, баталгаатай гүүр гармаар зорчих, хамгаалалтын бүсээ байнга зүүхийг сануулсан. Автомашины тэнхлэг тохиргоо алдагдсан, дугуйны хий гарсан эсэхийг нэг бүрчлэн шалгах хэрэгтэй. Он гарсаар 238 хүн зам тээврийн ослоос болж нас барж 1144 хүн бэртэж гэмтсэн гэдгийг сануулсан. Наадмаар хилийн боомтууд 07 дугаар сарын 10-наас амарч 16-наас хэвийн ажиллаж эхэлнэ.