Туул гол, Алтанбулаг, Лүн орчимд усны түвшин нэмэгдэж эрсдлийн түвшинг давсан байна. Тиймээс баяр наадмаар болон амралт зугаалгаар гол дагуу явж буй иргэд голын гүн хэсэгт усанд орохгүй байх, гол даган тоглож буй хүүхдүүдээ анхаарал халамж тавьж тогтмол хянах, чанарын шаардлага хангахгүй хөвөгч хэрэгсэл ашиглахгүй, наршихаас сэргийлэхийг ОБЕГ-аас зөвлөжээ. Мөн хотын ногоон бүсэд хортой бамбай хоншоорт могой орж ирэх тохиолдол нэмэгдсэн. Хэрэв хатгуулсан бол амаараа сорж болохгүйг анхааруулжээ.