“Цэмбэгэр Улаанбаатар” давлагааг “Volunteer Mongolia” байгууллагын сайн дурын залуус нэгдэн эхлүүлжээ. Хотын өнгө үзэмжийг сайжруулах, цэвэрхэн, тухтай орчныг бүрдүүлэх зорилготой нийт 300 гаруй залуус сайн дураараа нэгдэж, Олимпын гүүр болон явган хүний зам, дугуйн замыг угаасан. Дараа нь Энхтайваны гүүрийг цэвэрлэх аж. Өмнө нь залуус нэгдэн Туул гол, Сэлбэ гол, хүүхдийн тоглоомын талбай, ногоон байгууламж цэвэрлэх ажлуудыг санаачилж хийж байжээ. Мөн хот тохижилтын байгууллагууд нийслэлийн 67 байршилд 12 төрлийн 638,943 ширхэг цэцэг тарьж, 646 спорт тоглоомын талбай, 87 бичил цэцэрлэгт хүрээлэн, есөн цэцэрлэгт хүрээлэн, 279 чийрэгжүүлэх талбай, 34 нэршил бүхий талбайд засвар үйлчилгээ хийжээ.