АН-ын дарга О.Цогтгэрэл мэдээлэл хийж зүй бус үйлдэл бүрт хариуцлага тооцохгүй байсаар Монгол улсад хариуцлагагүйн зуд нүүрлээд байна. Энх цагт цэргийн алба хаах хугацаандаа 144 цэрэг эрүүл мэндээрээ хохирч, 46 цэрэг амиа алдсан байна. Тухай бүрт нь хариуцлагыг чангатгасан бол энэ хэргүүд гарахгүй байх боломж байсан. Тиймээс Батлан хамгаалахын сайдыг огцруулах шаардлагыг Ерөнхий сайдад хүргүүлж байна. Хариуцлага тооцохгүй бол Засгийн газрыг огцруулах асуудлыг хөндөнө гэв. Мөн Үндсэн хуулийн Цэцийн дарга Г.Баясгалангийн зургаан жил ажиллах хуулийн хугацаа дуусаад нэг жил болж байна. Гэтэл ажлаа өгөхгүй улс төрийн захиалгатай шийдвэр гаргасаар байна. Тиймээс нэн даруй солихыг шаардаж байна гэжээ.