Эрх баригч МАН-аас АН-д УИХ-ын дарга, зургаан яамны сайдын албан тушаалыг амлан Засгийн газарт орж ажиллахыг урьсан гэх мэдээлэл цацагдаж эхэлсэн. АН-аас сонгогдсон УИХ-ын гишүүд МАН засгаа дангаар бүрдүүлээд эвлээд явж чадахгүй бол АН-д дангаар засаглах эрх өгөх хэрэгтэй. Хөөгдөж гараад дахиж нийлээд байдаг нам биш гэсэн хариуг өгсөн байна. Намын удирдлагын зүгээс ямар нэгэн мэдээлэл хийгээгүй. Зарим гишүүд дараалсан олон сонгууль хүлээж байхад үхрийн сүүлэн дээр хутга гэдэг шиг авлигач хулгайчдыг цэвэрлэнэ гэж ярьж байгаад нэгдээд нийлээд байж болохгүй. Дараа дараагийн сонгуулийн үр дүнг тооцох хэрэгтэй гэдгийг сануулсан аж.