Хувийн хэвшлийн гурван сургуульд тус бүрт нь 3,5 тэрбум төгрөгийн санхүүжилт олгохоор төлөвлөсөн байна гэх мэдээлэл цацагдсан. Энэ мэдээллийн дараа Ерөнхий сайд ексел файлаар хүн гүтгэж болохгүй гэж мэдээлэл хийсэн бол АН-ын гишүүд төрийн ордны гадна суулт зарлалаа. Гэтэл дээрх файлд нэр дурьдагдсан сургуулиуд Боловсролын яамыг шүүхэд өгч, хариуд нь сайд Б.Энх-Амгалан мэдээлэл хийв. Мэдээлэлдээ нийт 2,4 тэрбум төгрөгийн батлаагүй төсөл хэлбэрээр байсан файлыг УИХ-ын гишүүн А.Ариунзаяа түгжилдэж тараасан гэсэн. Харин УИХ-ын гишүүн О.Саранчулуун жоом алах гээд байшингаа шатаалаа гэдгийг онцолсон бол А.Ариунзаяа гишүүн гүтгэлэг, хууль хяналтын байгууллагаар хамт шалгуулна гэв. Энэ гурвалжин дөрвөлжин маргаан дунд иргэд Боловсролын зээлийн сангийн луйврыг илчилсэн ажилтнаа сайд нь буруутгадаг, УИХ-ын гишүүд дотор ах дүү хамаатан садан олон байгааг олж мэдэв. Харин иргэд маргаан мэтгэлцээнээс илүү улс орны хөгжил дэвшил, иргэдийн амьдралыг ярьдаг төрийнхөн хэрэгтэй гэдгийг хатуухан сануулав.