“Оюутан цэрэг” сургалтад нийт 5000 орчим оюутан хамрагдах хүсэлт ирүүлсэн. Үүнээс эрүүл мэнд, бие бялдрын шалгуур хангасан 2300 гаруй суралцагчийг 2026 оны дөрөвдүгээр сарын 04-ний өдрөөс эхлэн долоон их, дээд сургуулийн 9 танхимд “Цэргийн ерөнхий бэлтгэл” шатны сургалтад хамруулж байна.

Сургалтын хуваарийн дагуу оюутнууд тавдугаар сарын 24-ний өдөр хүртэл танхимын сургалтад хамрагдана.Зургаадугаар сарын 15-наас эхлэн 56 хоногийн хугацаатай хээрийн дадлага сургуулилалтад оролцон сургалтаа төгсөнө.