Завхан аймгийн Буянт голд “УАЗ” загварын суудлын автомашин урсах гэж байхад нь Онцгой байдлын газрын Эрэн хайх, аврах бүлгийн алба хаагчид татан гарсан байна. Он гарсаар гол, нуурын мөсөнд цөмөрсөн 16, гол, нуурын усанд суусан 6 тохиолдол бүртгэгдэж, 9 иргэний амь насыг авран хамгаалж, 15 тээврийн хэрэгслийг татан гаргаж, аюулгүй болгожээ. Цаашид гол мөрөн, нуурын мөсний зузаан улам нимгэрч, хэврэгших тул цаг хожих, зам товчлох зорилгоор мөсөн дээгүүр явах болон авто тээвэр хийхгүй байхыг ОБЕГ-аас онцгойлон анхааруулж байна.