Туулын хурдны зам барихыг иргэд илт дэмжиж байсан ч Туул гол дагуу 16 га газрыг бургасыг тайрах нь тодорхой болсон тул иргэний нийгмийн байгууллагууд эсэргүүцэж эхэлжээ. Иргэд хотод ойр байгалийн хамгийн чухал эко системийг эвдэж Туул голыг усгүй болгох гэж байна. Устай холбоотой нэг ч байгууллагаас зөвшөөрөл аваагүй. Авсан зөвшөөрлийн гарын үсэг хуурамч байна. Гол ай сав дагуух газрын нарийвчилсан үнэлгээ хийлгээгүй, байгаль орчинд үзүүлэх сөрөг нөлөөлөл эрсдлийг тооцохгүй ажил эхэлсэн гэдгийг онцолжээ.