Монгол улс, ОХУ-ын хоккейн тамирчдын нөхөрсөг уулзалт тэмцээн гуравдугаар сарын 21 -нд Steppe Arena мөсөн ордонд болно. ОХУ-ын “Газпромбанк” баг, Монгол Улсын “Дархан” багууд өрсөлдөнө. Тэмцээнд Монгол улсаас ДАШТ-ий 4 дүгээр дивизионы алт, хүрэл медальт,Ази тивийн цомын АШТ-ий 2 удаагийн аварга, Монголын хоккейн үндэсний шигшээ багийн ахлагч, хоккейн спортын ОУХМ Намжилын Мишигсүрэн, ДАШТ-ий 4 дугаар дивизионы алт, хүрэл медальт, Ази тивийн цомын АШТ-ий 2 удаагийн аварга, ахлах дасгалжуулагч, Монголын хоккейн үндэсний шигшээ багийн гишүүн асан, Хоккейн спортын ОУХМ, Арслангийн Мэргэн, ОХУ-ын талаас дэлхийн нийт 112 тэмцээнд оролцож алдраа мөнхөлсөн домогт хоккейчин, дасгалжуулагч Василий Первухин, ШПЕНГЛЕР цомын тэмцээний аварга, Норвеги улсын АШТ-ий олон удаагийн шилдэг довтлогч, домогт хоккейчин Игорь Мишуков зэрэг тамирчид оролцоно