Улаанбаатар Лүн чиглэлийн замыг 6 эгнээ болгож орон нутгийн замын түгжрэлийг шийдэн, аваар ослыг багасгах шийдвэр гарсан. Энэхүү 101.7 км замыг нэг жилийн хугацаанд барьж Дарханы замыг барьсан алдааг давтахгүй байхад анхаарахыг холбогдох албаныханд үүрэг болгосон. Замыг барихдаа одоогийн үндсэн замыг хаалгүй, тойруу замаар зорчуулахгүй барихаар төлөвлөсөн. Энэ нь иргэдийн цаг хугацаа, эрүүл, мэнд,эдийн засгийг хэмнэнэ. Хуучин замыг хуулж авч, саад учруулахгүй төр хувийн хэвшлийн түншлэлээр замыг чанартай барина гэсэн. Энэ мэдээлэлтэй зэрэгцэн иргэд Элсэн тасархай, Хархорин хүрэх зам хэрэгтэй байгааг хэлсэн. Тиймээс энэ замыг Туулын хурдны замтай холбоно. Ингэснээр энэхүү замын огтолцол стратегийн ач холбогдолтой болж, Хархорин хүртэл төлбөртэй өндөр зэрэглэлэлийн замтай болох боломжтой гэдгийг мэдээлжээ. Замын -Үүдээс ирэх иргэд ч түгжрэлгүй замаар, зогсолтгүй явах боломжтой гэдгийг онцолсон байна.