Улсын төсөв батлагдсан ч мөнгө хөрөнгө болсон хойно маргаан тасрахгүй байна. ХХААХҮЯ-ны төсөв 172 тэрбум төгрөг байсан бол 672 тэрбум төгрөг болтлоо өнгөрсөн жилүүдэд өссөн. Энэ зардлын 400 тэрбумыг жил бүр татаас хэлбэрээр энэ салбарт үйл ажиллагаа явуулдаг аж ахуйн нэгж, иргэдэд хувааж олгодог. Яам бодлого боловсруулдаг болохоос татаас өгдөг газар биш. Өссөн энэ их зардлыг өөр зүйлд зарцуулах боломжтой. Системийг цогц өөрчлөлт хийх ёстой гэсэн асуудал сөхөгдсөн. Соёлын яамны 13 тэрбумын төсвийг үргүй зарцуулсан гэх маргаан өрнөсөн ч Монгол улсад ирэх жуулчдын тоо 200 мянга байсныг 800 мянгад хүргэж чадсан. Шинэ сайд нэг сая жуулчин хүлээж авдаг болсны дараа асуудлыг тавих хэрэгтэй гэснээр маргаан эцэслэсэн байна.