Монгол улс 60 сая малтай ч жил бүрийн хавар махны хомстолд орж үнэ өссөөр ирсэн. Холбогдох газрууд нөөцийн мах худалдаалахаас өөр ажил хийдэг нь ховор. Шинээр томилогдсон ХХАА-н сайд Ц.Идэрбат махны хомстол үүссэн нь нөөцийн махны түгээлт шатахууны үнэ өссөнтэй холбоотой доголдсон байна. Тиймээс яамнаас төсөв гаргаж хүнсний дэлгүүрүүдэд хүргэх нөөцийн махны түгээлтийг сайжруулахад анхаарч ажиллана. Махны үнэ харилцан адилгүй байна. Шинэ тарган мах 30 мянга хүрсэн. Гулуузаар бол арай хямдаар авах боломж байна гэдгийг хэлсэн. Иргэд малчид махаа 20 мянга хүргэж зараагүй байхад үнэ нугалж өсөж байгаа нь дундын зуучлагч нартай холбоотой. Төрөөс махны хомстол үүссдэг улиралд эрэлт нийлүүлэлтийг тооцон түгээлт, борлуулалтын доголдлыг арилгахад анхаарч ажиллах хэрэгтэй гэдгийг хэлж байгаа юм.