Ахмадууд тэтгэврийн зээлийг 24 сар болгох хүсэлтийг 08 дугаар сарын 23-нд төрийн өндөрлөгүүдэд албан бичиг хүргүүлсэн. Хариугаа авсан ч хүсэлтийг хүлээн авч шийдвэрлэж чадахгүй байна гэж үзэн тэтгэврийг 1,5 сая болгох шаардлага тавьж эхэлсэн юм. Олон нийт ч бага тэтгэвэртэй ахмадуудын тэтгэврийг нэмэхгүй бол ахмадууд амьдрахад хүнд байгааг улстөрчдөд ойлгуулахаар цахимаар дэмжээд удаж байгаа юм. УИХ-ын гишүүн О.Батнайрамдал, Ж.Баярмаа, Ерөнхийлөгч асан Н. Энхбаяр зэрэг олон иргэд төрийн байгуулсан уул уурхайн олон гэрээ, авлигачдаас хураасан мөнгө, төсвийн хэмнэлтээс ахмадуудын тэтгэврийг нэмэх боломжууд бийг хэлж байгаа юм. Жагсаж буй ахмадуудаас найм нь өнөөдрөөс эхлэн өлсгөлөн зарлана гэжээ. Ахмадын тэтгэврийг нэмэхдээ өндөр тэтгэвэртэй ахмадуудыг хамруулахыг иргэд дэмжихгүй байгаа юм.