Туулын хурдны замын ажлын хүрээнд Наадамчдын замыг Нисэхийн хурдны замтай холбоно. Энэхүү замыг “Өнөр” хороолол, Баянхошуу, Сэлбэ, Дарь эх дэд төвүүдтэй холбож, Чулуун овооны тойргоос Туулын хурдны замтай нийлэхээр тойргоор барихаар төлөвлөж байна. Эмээлтийн тойргоос Баянзүрхийн гүүр хүртэлх 33 орчим километр урттай 6 эгнээтэй Туулын хурдны замын гэрээ байгуулах ажлыг дөрөвдүгээр сард эхлүүлнэ. Мөн энэ ажлын хүрээнд Наадамчдын зам дээгүүр баригдах 6 эгнээ, 4 талдаа эргэлттэй гүүр барина.