Нийслэлийн 2025 оны төсвийг 3.8 их наяд төгрөг байхаар баталлаа. Нийт 3,314.4 тэрбум төгрөгийг татварын орлогоор, 541.9 тэрбум төгрөгийг татварын бус орлогоор бүрдүүлнэ. Иргэдээ орон сууцжуулж, агаарын бохирдлыг бууруулах, нийтийн тээврийн цогц шийдлийг хэрэгжүүлнэ гэсэн. Алслагдсан гурван дүүргийн санхүүгийн дэмжлэгт 14.1 тэрбум төгрөгийг олгоно. Нийтийн тээврийн автобусыг хийн болон цахилгаан хөдөлгүүр рүү шилжүүлэхээр төлөвлөжээ.