БНСУ-д хорин настай залуу амь насаа алдсан хэрэг гарсан гэх мэдээллийг ГХЯ-наас тодруулж байгаа аж. Өмнө  нь ч Солонгост ажил эрхэлж байгаад иргэд амиа алдсан гэх мэдээ  гарч байсан. Монгол улсад хөдөлмөрийн хөлсний үнэлэмж бага, цагийн ажил хийх боломж ч байхгүй, эдийн засгийн хямралд орсноос залуус арга буюу  гэр бүлээ орхин ажиллахаар яваад  амиа алдаж байгаа нь харамсалтай. Эх оронд нь ажиллах амьдрах орчин бүрдсэн бол  хэн ч хүний нутагт харлаад ажиллахыг хүсэхгүй шүү дээ. Аж ахуйн нэгж байгууллагууд нь цагийн ажлын тогтолцоонд шилжих хууль эрхзүйн орчныг бүрдүүлээд өгөөч гэж гуйдаг ч төр нь тоохгүй суусаар л байгаа.Ард түмнээ эдийн засгийн хямралаас нь гаргаж чаддаггүй юм бол эрх зүйн орчинг нь бүрдүүлээд өгчих л хэрэгтэй байгаа юм. Иргэд нь ядаж цагийн ажил хийгээд  ч болов амьдардаг байг.