Бизнесийн төлөөллийн олон нийтийн хамгийн том байгууллага болох Монголын Үндэсний худалдаа, аж үйлдвэрийн Танхимын шинэ Ерөнхийлөгчөөр “Транспаренси интернешнл Монгол” ТББ-ын тэргүүн Л.Төр-Од сонгогдлоо. Их хуралд МҮХАҮТ-ын гишүүн, татварын ямар нэг зөрчилгүй, 1395 компани, ААН-ийг төлөөлсөн гишүүд оролцсон аж. “Транспаренси интернешнл Монгол” ТББ-ын тэргүүн Л.Төр-Од 2011-2011 Монгол Улсын Ерөнхий сайдын зөвлөх, 2012-2013 онуудад Монгол Улсын Ерөнхийлөгчийн хууль зүйн асуудал хариуцсан шадар туслах, Хууль зүйн сайдын зөвлөх, Хас банк, Монголын банкны холбоо,  М Банк, Ашид капитал ХХК, Монгол  даатгал ХХК-д ажиллаж байжээ.