Австралийн Сидней хотын нисэх онгоцны буудлаас хөөрснийхөө дараа удалгүй Quantas онгоцны нисгэгчид хөдөлгүүрийн доголдлын улмаас ослын буулт хийхээс өөр аргагүйд хүрчээ.Сидней-Брисбэн чиглэлийн 520-р нислэгийн нислэгийн зурвасаас гараад удалгүй зорчигчид хүчтэй дууг сонссон. Харин  энэ чимээг  дэлбэрэлт биш гэж  компаниас мэдэгджээ.Инженерүүд урьдчилсан шалгалтын дараа дүгнэлт хийж, Boeing 737 онгоцны хөдөлгүүрт гэмтэл гарсан болохыг баталжээ.

 Онгоцонд зорчиж явсан Австралийн ABC News сувгийн сэтгүүлч Марк Вилласи "Онгоц үнэхээр хүчтэй чичирсэн. Дугуйнууд газраас салсан чичрэлтийг хэзээ ч мэдэрч байгаагүй юм шиг санагдсан.Хос тийрэлтэт онгоц агаарт өндөрт гарахын тулд "үнэхээр их хүч гаргаж байсан" гэжээ.

 Qantas-ын ахлах нисгэгч, ахмад Ричард Тобиано "Богино хугацаанд эргэлдсэний дараа онгоц Сиднейн нисэх онгоцны буудалд аюулгүй газардсан" гэжээ.

 Сиднейн нисэх онгоцны буудлынхан" Хөөрөх зурвасын зүүн талд өвсөн түймэр гарсантай давхцсан. Гал сөнөөгчид үүнийг хяналтандаа авсан гэж мэдэгдэлд дурьдаад "Хоёр хэрэг хоорондоо холбоотой эсэх нь одоогоор тодорхойгүй байгаа бөгөөд мөрдөн байцаалтын ажиллагаа үргэлжилж байна гэжээ.