Монгол улсад агаарын бохирдол гамшгийн хэмжээнд хүрсэн. Нийт эндэгдлийн 64%-ийг 0-5 настай хүүхэд эзэлж байгаа. Сүүлийн үеийн судалгаагаар 0-5 насны хүүхдүүдийн цуснаас хүнд металл, хар тугалга илэрсэн. Зарим газарт энэ үзүүлэлт өндөр байгаа нь тухайн орчинд нь агаарын бохирдол их байгаатай холбоотой.  Хүнд металлын хордлого нь тархи, уушги, бөөр гэх зэрэг цуллаг эрхтэнд нөлөөлдөг. Урт хугацаандаа хүний эрүүл мэнд, насжилтад нөлөөлж, суурь өвчний эх суурь болж, цаашид амь насанд нөлөөлөх аюултай. Тиймээс хүн амыг орон сууцжуулах, агаарын бохирдлыг багасгах үр дүнтэй ажлуудыг нэн тэргүүнд хийх шаардлагатайг УИХ-ын гишүүд онцолж эхэлжээ.