Питтсбургийн элэгний судалгааны төвийн үүсгэн байгуулагч нэгэн элэг нөхөн төлжихөд тустай эм бүтээснээ зарлажээ. Тэрээр элэгний нөхөн төлжилт, хорт хавдрыг судлах лабораторийг ажиллуулдаг. 2022 онд хийсэн судалгаагаар тодорхой уургийг шинэ эмээр идэвхжүүлснээр элэгний хүнд гэмтлийг мэс заслын аргаар авсны  нөхөн төлжилтийг хурдасгахад тусалдаг болохыг олж мэджээ. Элэг нь нөхөн төлжих чадвартай эрхтэн. Элэгний гуравны хоёрыг мэс заслын аргаар авсан байхад ч бүрэн сэргэж чаддаг. Гэвч эм, согтууруулах ундаа хэтрүүлэн хэрэглэх, хэт таргалалт зэрэг нь элэгний үйл ажиллагааг алдагдуулдаг. Одоогийн байдлаар элэгний өвчний эцсийн шатанд байгаа цорын ганц үр дүнтэй эмчилгээ бол элэг шилжүүлэн суулгах явдал юм. Гэсэн хэдий ч шилжүүлэн суулгах боломжтой эрхтэн дутмаг байна. Өвчтөнүүд АНУ-д элэг шилжүүлэн суулгах мэс засал хийлгэхийн тулд 30 хоногоос тав гаруй жил хүлээх шаардлагатай болдог. 2021 онд элэг шилжүүлэн суулгах мэс засал хийлгэхээр хүлээгдэж буй 11,600 гаруй өвчтөний ердөө 9,200 гаруй нь л элэг шилжүүлэн суулгах мэс засал хийлгэсэн байна.