Өнөөдөр буюу 10 дугаар сарын 21-нд зүүн аймгуудын нутгийн хойд хэсгээр нойтон цас, цас үргэлжлэн орж, цасан шуурга шуурч, үзэгдэх орчин хязгаарлагдаж, ихэнх нутгаар хүйтэрнэ.

Иймд, цаг агаарын нөхцөл байдлаас шалтгаалан улсын чанартай  томоохон авто замууд дээр  халтиргаа гулгаа ихээр үүсэж, үзэгдэх орчин хязгаарлана. Зорчигч тээвэрчид холын замд зорчихгүй байх, зайлшгүй зорчих тохиолдолд автомашины бүрэн бүтэн байдлыг сайтар хангахыг Цаг уур, орчны шинжилгээний газраас зөвлөж байна.