Хүн амын дунд хорт хавдрын өвчлөл жилээс эрс нэмэгдэж байгаа нь дэлхий нийтэд төдийгүй Монгол улсын иргэдийн эрүүл мэндэд  аюулын харанга дэлдээд байна.  Дэлхий дахинд 20 сая хүн хавдраар өвчилж 9.9 сая хүн нас барсан байна. Дэлхийн Эрүүл Мэндийн Байгууллагын гаргасан судалгаагаар 2050 он гэхэд хорт хавдрын тохиолдлын тоо 35 саяд хүрэх тооцоо гарчээ. Дэлхийн хүн амын таван хүн тутмын нэг нь хорт хавдраар өвчилж байна. Хавдраар өвчилсөн хүмүүсийн 72.5 хувь нь хожуу шатандаа оношлогдож, үүний 60 хувь нь онош тогтоогдсоноос хойш нэг жил хүрэхгүй хугацаанд амьдраад нас барж байгаа юм.Хавдар нь осол гэмтэл, халдвар өвчин шиг гэнэт бий болдоггүй. Хорт хавдрын суурь хүний биед 15-30 жилийн өмнө үүсдэг учир урьдчилан сэргийлэх бүрэн боломжтой.  Өвдсөний дараа бус өвдөхөөс нь өмнө урьдчилан сэргийлэх үзлэгт хамрагдахыг эмч нар, эрүүл мэндийн байгууллагууд тогтмол зөвлөдөг. Нэгэнт өвдсөн тохиолдолд өвчний хүндрүүлэлгүй эмчлэх нь таны болон хайртай ойр дотнын  хүмүүсийн таны амь насыг хамгаалахыг санаарай.