Аргентины Ерөнхийлөгч Хавьер Милэй агаарын тээврийн Aerolineas Argentinas компанийг хувьчлах алхмуудыг хийсэн. Буэнос-Айрес дахь хөдөлмөрийн шүүхээс Милэйн нисэхийн салбарт ажил хаях эрхийг хязгаарласан тогтоолыг түдгэлзүүлсэн байна. Түүний  агаарын тээврийн компаниудын ажилчид цалингаа нэмүүлэхээр ажил  хаясан ч нислэгийн 50-иас доошгүй хувийг хадгалах хэрэгтэй гэж даалгасан. Энэхүү  тогтоол нь Үндсэн хууль зөрчсөн гэж шүүх үзсэнийг  Агаарын тээврийн нисгэгчдийн холбоо мэдэгдсэн юм.

Хавьер Милэй арванхоёрдугаар сард засгийн эрхэнд гарч, өвчтэй Аргентины эдийн засагт шокт эмчилгээ хийнэ гэж амласан. Түүний  төсвийг танасан хамгийн сүүлийн шүүхийн бүтэлгүйтэл энэ байв.Өөрийгөө "анархо-капиталист удирдагч" гэж зарласан тэрээр төрийн өмчит Aerolineas Argentinas компани  улсаас маш их зардал гаргаж байна.Зардлаа бууруулах оролдлого хийсэн ч  үйлдвэрчний эвлэлийн хатуу эсэргүүцэлтэй тулгарсан гэж мэдэгджээ.

Нисгэгчид болон нисэх багийнхан сүүлийн нэг сарын хугацаанд цалингаа нэмэгдүүлэхийн тулд хоёр удаа нэг өдрийн ажил хаялт зарлаж, олон зуун нислэгт нөлөөлсөн. Нисэгчид наймдугаар сард 236.7 хувьд хүрсэн Аргентины инфляцийг даван туулахын тулд цалингаа 30-35 хувиар нэмэгдүүлэхийг шаардаж байгаа юм.

Шүүхийн шийдвэр гарсны дараа Ерөнхийлөгч ядуурлын төвшин 52 хувиас давсан байхад төрөөс төсвийн алдагдлыг санхүүжүүлж чадахгүй гэжээ.