Банк болон улсын бүртгэлийн ажилчид нийлж мөрийтэй тоглоом зохион байгуулсан хэргийг цагдаагийн байгууллага шалгаж эхэлсэн. Хэвлэл мэдээллийн хэрэгслээр  улсын бүртгэлийн ажилчид нэг хүний мэдээллийг 500,000 төгрөгөөр худалдан борлуулсан гэх мэдээллийг тодруулахад шалгалтын ажиллагаа дуусаагүй. Нэр бүхий долоон хүнд эрүүгийн хэрэг үүсгэж, яллагдагчаар татан шүүгчийн захирамжаар цагдан хорих, таслан сэргийлэх арга хэмжээг авч ажиллаж байгаа гэжээ.