Сэлбэ дэд төвийг түшиглэн Сүхбаатар дүүргийн 14, Чингэлтэй дүүргийн 14, 18 дугаар хороонд 2,206 нэгж талбар буюу 158 га газрыг нөхөх олговортойгоор чөлөөлж 12 мянган айлын орон сууцыг барина. Газар чөлөөлөлтийн ажил өнөөдрийн байдлаар 76 хувьтай үргэлжилж байна. Эхний ээлжид 13 га талбайд орон сууц барих зургаан багц нээлттэй тендерийг зарлаад байгаа юм. Газрын хэмжээ, объектын хэмжээнээс хамаарч дунджаар 170 саяас дээш төгрөгийг иргэдэд газрын нөхөн олговорт олгоно. Газраа чөлөөлсөн талбайд  5-9 давхар орон сууцыг зэс трубогоор сантехникийн тоноглол хийн нарны эрчим хүчээр цахилгааныг нь шийднэ. Ингэснээр дулааны алдагдал багатай хороолол босох юм.