Цахим залилангийн хэргийн гаралт эрс нэмэгдэж эхэлсэн. Он гарснаас хойш иргэд 209 тэрбум төгрөгийг цахим луйварчдад залилуулсан байна. Мөнгийг чинь өсгөж өгнө, цахимаар бараа захиалж өгнө, Хөдөлмөр нийгмийн хамгааллын яамнаас зарласан онлайн ажлын байранд оруулж өгнө гэх мэт зард итгэн мөнгөө өгсөн байдаг. Төрийн болон хувийн хэвшлийн байгууллагуудад цагийн болон зайнаас ажиллах ажлын байр зарлаагүй бол цаг тухайд цахим хуудсаараа ч болов  залруулга хийхгүй бол иргэд хохирсоор байна. Ихэвчлэн хүүхдээ харж буй ээжүүд энэ төрлийн залилангийн хохирогч болдог байна. Тиймээс төрөөс цагийн болон онлайн ажлын байрыг нэмэгдүүлсэн аж ахуйн нэгжүүдийг дэмжин, иргэдийнхээ хүсэлтийг сонсдог бол энэ төрлийн хэргийн гаралт эрс буурна гэдгийг эрхбиш мэдэж байгаа байх гэж найдья.