Прокурорын байгууллага 2024 оны эхний хагас жилд шүүхийн шийдвэр гүйцэтгэх байгууллагаас ирүүлсэн саналыг үндэслэн 661 ялтныг хугацаанаас өмнө суллах, ялаас чөлөөлжээ. Мөн хүнд өвчтэй 14 хүнийг ялаас чөлөөлж, 86 хүний үйлдсэн гэмт хэргийн шинж, хувийн байдал, засрал хүмүүжлийн байдлыг харгалзан хорих ял эдлүүлэх ангийн дэглэмийг нь өөрчлөхөөр шийдвэрлүүлсэн байна. Дахин гэмт хэрэг үйлдэхгүй байхад холбогдох байгууллагууд анхаарч, нийгэмшүүлэх ажил хийх шаардлагатайг иргэд онцолдог.