Барселона хотод олон мянган жагсагчид аялал жуулчлал Испанийн томоохон хотуудад сөрөг нөлөө үзүүлж байгааг онцолсон эсэргүүцлийн жагсаал хийсэн. Тэд “Аялал жуулчлалыг хязгаарлая” уриан дор нэгдсэн бөгөөд нийт 2800 орчим хүн жагссан. Тэд жил бүр ирдэг олон сая сая жуулчдын тоог бууруулах эдийн засгийн шинэ загварыг шаардсан байна. 70 настай социологич Жорди Гуиу Аялал жуулчлалын хэт ачааллаас болж бид зовж шаналж хотдоо тайван амьдрах аргагүй болж байна гэжэ.
Орон нутгийн эрх баригчдын мэдээлснээр сүүлийн 10 жилд Барселон хотын орон сууцны үнэ 68 хувиар өссөн. Энэ нь 1.6 сая оршин суугчтай хотын оршин суугчид байрны түрээсээ төлж чадахгүйд хүргэсэн. Ла Саграда Фамилиа зэрэг олон улсад алдартай газрууд жилд 12 сая гаруй жуулчин хүлээн авдаг байна.

“Олон нийтийн аялал жуулчлалын сөрөг үр дагавар”-тай тэмцэхийн тулд социалист Жауме Коллбонигийн удирддаг хотын зөвлөл жуулчдад орон сууц түрээслэхийг хориглож байгаагаа зарласан. Энэ нь хууулийн маргаанд хүргэж болзошгүй байгаа бөгөөд жуулчны орон сууцны холбоо энэ шийдвэр нь хар захыг тэжээх болно гэжээ. Өмнө нь Малага, Пальма де Майорка, Канарын арлууд зэрэг жуулчдын халуун цэгүүдэд эсэргүүцлийн жагсаал болж байсан юм..

Өнгөрсөн онд Францын дараа орох хамгийн олон жуулчинтай Испани орон 85 сая гадаадын жуулчин хүлээн авсан. Энэ нь өмнөх оныхоос 18.7 хувиар өссөн үзүүлэлт гэсэн судалгаа гарчээ.