Ард түмэн солонгорууллаа. Нэг намын хүч түрсэн шийдвэрээс илүү намууд нийлж нэгдэж олон талаас нь асуудлыг шийдвэрлэх шаардлагатайг сануулсан сонголт хийж. Сонгосон итгэлийг нь дааж нэмэгдсэн гишүүдийнхээ тоогоор Монгол улсаа хөгжүүлэх, ард түмний итгэлийг даасан олон ажлууд хийнэ гэдэгт итгэе. Иргэд нь ажилтай орлоготой, ирээдүй хойч нь сурч боловсорсон, ард олон нь амгалан тайван орчинд ажиллаж амьдрах нөхцлийг шинэхэн гишүүд бүрдүүлэх хэрэгтэй. Монгол улс талцал хийрхэл, хэтэрсэн улстөрөөс ангид байх ёстой. Утаагүй, хоггүй, өвчин зовлонгүй, үнэр танаргүй орчинд ядуурал,ажилгүйдэл, үнийн өсөлтийг ардаа орхин, иргэд нь эх орноо орхин дүрвэдэг бус, гэр бүлээ гээд ирдэг, ажилладаг бүтээдэг нийгэмд бид амьдрахыг хүсдэг. Нэг дарга, нэг хэсэг бүлэг фракци, намын эрх ашигаас илүү ард түмний амьдрал Монгол улсын хөгжлийг хамгийн эхэнд байдгийг төрийнхөнд олон нийт сануулахыг хүслээ. Би бус бид бүтээдэг гэдгийг харуулах цаг ирсэн. Иргэд хүчирхийлэл, талцалд олон намуудыг сонгосноор таслал тавилаа. Таслал торгоох төдий байх уу, муу муухай бүхэнд цэг тавих уу гэдгийг та нар шийднэ.Муу бүхэн үргэлжилбэл иргэд дахиад л дөрвөн жилийн дараа сонголтоо хийж дүнгээ тавина. Монгол улсын 30 жилийн хөгжил гэж ярьдаг ч гурван жилийн хөгжлөө ч харж чадахгүй байсаар ирснийг санаарай. Нэг хүн,нэг намын эрх ашиг, эд хөрөнгийн шунал, авлига энэ бүхэн эх орноос минь хол байг. Говийн бүсийн ухаалаг сонгогчидоо баярлалаа. Хөгждөг ч үгүй, урагшилдаг ч үгүй улстай, ухаардаг ч үгүй, сэхээрдэг ч үгүй улстөрчидтэй хөгжлийн гацаанд удаан байх нь дэлхийн хөгжлөөс хол хоцрогдохын эхлэл болдог. Одоо хуучныг бус шинийг сэдэж, сайныг хийж бүтээгээрэй.