АНУ-Израилийн хамтарсан дайны ажиллагааг удирдаж буй АНУ-ын Төв командлалын байрлаж буй зочдын төвийн гадна гар хийцийн тэсрэх төхөөрөмж байрлуулсан хэрэгт нэгэн иргэнийг буруутгажээ. АНУ-ын прокурор Грегори В. Кехо Ален Женг гэх эрийг баазад тэсрэх бөмбөг байрлуулсан гэж үзэж байгаа юм. Гэтэл түүний эгч Энн Мэри Женг гэмт хэргийг нь нуун дарагдуулж, Хятад руу зугтахад нь тусалсан гэсэн байна. Гадаадын иргэнийг уг гэмт хэрэгтэй холбоотой гэсэн нотлох баримт байхгүй бөгөөд болзошгүй сэдлийг л одоо хүртэл шалгаж байна. Сэжигтний гэрээс тэсрэх бодис, машинаас нь тэсрэх бөмбөгний үлдэгдэл олсон гэжээ. /Холмс Либранд/