Мексик улс Куба руу тусламжийн ачаа тээвэрлэж яваад далайд сураггүй алга болсон хоёр дарвуулт завийг хайж эхэлжээ. Дарвуулт завинд Польш, Франц, Куба, АНУ-ын есөн хүн байсан бөгөөд завинд хүнс, эм болон бусад тусламжийн барааг ачсан байсан. Энэ долоо хоногтоо багтан арлын улсуудад хүмүүнлэгийн тусламж хүргэх зориулалттай уг хоёр дарвуулт завь далайн томоохон цувааны нэг хэсэг байжээ. Кубын засгийн газарт дарамт шахалт үзүүлэх зорилготой АНУ-ын газрын тосны хориг нь тус улсыг ЭЗ-ийн хямралд оруулж, хүнсний хомсдол үүсгэн, олон өдрийн турш цахилгааныг тасалдуулаад байгаа юм. Канкуны эргээс холгүй орших Исла Мухересээс хөдөлсөн хоёр завийг холбоо барихаа больсон цагаас хайж эхэлсэн гэж Мексикийн Ерөнхийлөгч Клаудиа Шейнбаум мэдэгджээ. Багйин ахмадууд туршлагатай далайчид байсан. Гавана хотод хэд хоногийн өмнө ирэх ёстой байсан ч ирээгүй байна гэжээ. /Сол Амая/