Венесуэлийн Ерөнхийлөгч Николас Мадуро АНУ-ыг дэлхийн хамгийн том байлдааны хөлгийг Карибын тэнгис рүү илгээхийг тушаасны дараа “шинэ дайн өдөөж байна” гэж буруутгажээ. USS Gerald R Ford тээвэрлэгч хөлөг онгоц 90 хүртэлх онгоц тээвэрлэх боломжтой юм. Уг хөлөг онгоцыг байрлуулснаар тус бүс нутагт Америкийн галын хүч асар ихээр нэмэгдсэн гэжээ. АНУ хар тамхины наймаачдын эсрэг тус бүс нутагт 10 удаа агаарын цохилт өгсөн юм.
АНУ-ын Ерөнхийлөгч Дональд Трамп Мадурог хар тамхины наймаа эрхэлдэг байгууллагын удирдагч гэж буруутгаж байгаа юм. 2024 оны сонгуулийг олон улсын хэмжээнд төдийгүй, Венесуэлийн сөрөг хүчнийхэн шударга бус гэж үгүйсгэж АНУ Мадурог Венесуэлийн ерөнхийлөгч гэж хүлээн зөвшөөрөхгүй байна.
Пентагон USS Gerald R Ford тээвэрлэгч хөлөг онгоцыг Төв Америк, Өмнөд Америк, мөн Карибын тэнгисийг багтаасан АНУ-ын Өмнөд командлалын хариуцлагын бүсэд байршуулна гэж мэдэгджээ.