Вьетнамын аялал жуулчлалын алдартай газар болох Халонг буланд аяллын хөлөг онгоц шуурганд хөмөрч осолдсон байна.Шумбагчид далайн давалгаанд цохигдон сураггүй болсон зорчигчид болон багийн гишүүдийг хайж байна. Одоогоор 34 хүний цогцсыг гаргаж, 11 хүнийг аварсан байна.

Хөлөг онгоцонд 48 жуулчин, багийн таван гишүүн гээд нийт 53 хүн зорчиж явсан гэж орон нутгийнхан мэдээлсэн. Онгоцонд байсан хүмүүсийн аль улсын иргэн болохыг зарлаагүй байна.