Энэтхэг, Пакистан гэсэн цөмийн зэвсэгтэй улсуудын хооронд шинэ мөргөлдөөн үүсч болзошгүй байна. Хоёр хөршийн хооронд удаан үргэлжилсэн хурцадмал байдал Кашмирын маргаантай бүс нутагт жуулчид руу халдлага үйлдсэний дараа улам ширүүссэн. Энэтхэг, Пакистан улс иргэдийнхээ бие биенийхээ улс руу зорчих визийг цуцалж, Пакистан агаарын орон зайгаа Энэтхэгийн онгоцуудад хаажээ. Мөн харилцан мэдэгдэл гаргаж Арабын тэнгист цэргийн галын сургуулилтыг эхлүүлсэн байна.