Монгол улс цахим засаглал, хиймэл дагуул гэж ярьж байгаа ч иргэдийнхээ мэдээллийг ч хадгалж чадахгүй байна. Өмнө нь 700 мянган иргэний мэдээлэл алдагдсан гэж шуугиан дэгдэж байсан. Гэтэл дахин “Интермед эмнэлэг” УИХ гишүүн, төрийн албан хаагчид, тусгайгийн албан хаагчдын эрүүл мэндийн түүхийн мэдээлэл бүхий 230 мянган иргэний мэдээллийг цахим сангаасаа алдсан байна. Энэхүү мэдээллийг авсан гэмт этгээдүүд нэг иргэний мэдээллийг 50 мянган ам доллараар зарахаар мөнгө нэхсэн гэсэн мэдээлэл цацагдаж эхэлсэн. Одоогоор эмнэлгийн зүгээс болон хууль хяналтын байгууллагын зүгээс ямар нэгэн тайлбар хийгээгүй байна.