Нэг нам дангаар эрх барьж буй үед шийдэж чадахгүй байгаа олон асуудлууд байна гэж улстөрчид үглэсээр УИХ-ын 76 гишүүнийг 126 болгон нэмсэн. Усан цахилгаан станц, сэргээгдэх эрчим хүч, төв цэвэрлэх байгууламж, агаарын бохирдол, нефтийн үйлдвэр, дүүжин тээвэр гээд олон жил хийгдэнэ гэж яригддаг ч ажил хэрэг болдоггүй. Эдгээр ажлууд урагшилж, их бүтээн байгуулалт хийгдэнэ гэж иргэд харж хүлээсээр байна.Гэтэл тойргийн 5 тэрбум төгрөг чухал хэмээн гүйлдсээр төрийн ажил цалгардах бололтой.Нэг хэсэг томоохон бүтээн байгуулалтыг энэ мөнгөөр хийх хэрэгтэй гэж байгаа бол нөгөө хэсэг нь тойрогтоо авна. Тэндээ ажил хийнэ гэж зүтгэв. Нам дагасан хэдэн нөхдийн халаасыг дүүргэх байхаар утаанаасаа салж, урагшилдаггүй ажлаа амжуулахад зарцуулах хэрэгтэйг иргэд онцолж байна. УИХ-ын гишүүн болохдоо зарцуулсан мөнгөө төрөөс хэд дахиад нугалж авдаг гажиг тогтолцоотой.  Ялсан, ялаагүй хамаагүй УИХ-д суудалтай намууд төсвийн л  гэж байгаа болохоос татвар төлөгчдийн мөнгөнөөс 7 тэрбум төгрөг өгсөн. Хоёрхон сая хүнтэй оронд нам дагасан төсвийн зарцуулалт хэр их хөгжил авчрахыг харах л үлдлээ.