Сомалийн эрэгт хууль бусаар оруулж ирсэн зэвсгийг илрүүлэн баривчлах ажиллагааны үеэр АНУ-ын Тэнгисийн цэргийн хүчний хоёр албан хаагч живжээ. Шөнийн дайралтын үеэр хоёр албан хаагч  маш хүнд хэрэгсэлтэй байсан. Нэг нь усанд унахад  нөгөө  түүнийг аврахаар ус руу үсэрсэн ч живсэн. Хөвөх хэрэгсэл ажиллаагүй, хүнд ачаатай байсан учраас нэг минут ч хүрэхгүй хугацаанд  осолдсон байж болзошгүй гэж үзэж байсан.  Ослын дүгнэлт нь тоног төхөөрөмжийн хэт ачаалал авсны улмаас болсон гэж гарсан. АНУ-ын Төв командлалын тэргүүн, генерал Майкл Курилла мөрдөн байцаалтыг хүлээн зөвшөөрсөн байна. Осолд  SEAL 3-р багийн дайны тусгай оператор 1-р зэрэглэлийн 37 настай Кристофер Чамберс, 27 настай байлдааны тусгай оператор Натан Гэйж Инграм нар өртсөн. Ослоос сарын дараа Тэнгисийн цэргийн гэмт хэрэг мөрдөх албанд  нэрээ нууцалсан гомдол ирсэн. Шалгаж үзэхэд Чамберс ба Инграм нар Сан Диего дахь нэгэн эмчид хандан тестостероны орлуулах эмчилгээнд хамрагдсан болохыг илрүүлсэн байна.Ослын тайланг маш их засварласан тул Чамберс, Инграмын нэг нь эсвэл хоёулаа гомдолд хамаатай холбогдсон эсэх нь тодорхойгүй байна.