ЗХУ-ын том хөлөг онгоцны буу халимны дээгүүр эргэлдэж, амьтны том ангайсан шархнаас  Номхон далай руу халимны цус урсаж буй зураг дэлхий нийтийг байгаль хамгаалах  өөрчлөлтөнд уриалжээ. Энэхүү зураг Greenpeace-ийн “сэтгэлийн бөмбөг” кампанит ажлын эхлэлийг тавьсан юм. Зургийг  гэрэл зурагчин Рекс Вейлер 1975 онд завь хөлслөн очиж газар дээр очиж авсан.  Вейлер 1970-аад оны үед Канадад амьдарч байсан Greenpeace-ийн анхны гишүүдийн нэг байв. Вейлер  Вьетнамын дайнд татагдан орохоос зугтахын тулд АНУ-ыг орхисон юм. “Өнөөдөр үүнийг төсөөлөхөд хэцүү ч тэр үед экологийн хөдөлгөөн байгаагүй. “Энх тайвны , эмэгтэйчүүдийн, иргэний эрхийн хөдөлгөөн байсан. Үүнтэй адил байгаль хамгаалах хөдөлгөөн байх шаардлагатай гэж тэр үзсэн аж. Вейлер халимуудын зовлонгийн талаар тухайн үед аялж явсан Канадын зохиолчоор дамжуулан олж мэдсэн.1960-аад онд халим агнуур оргилдоо хүрч, жил бүр 80,000 орчим халим агнадаг байжээ. 1937 онд Халим агнуурыг зохицуулах олон улсын гэрээ батлагдан халим агнуурыг хамгаалах янз бүрийн арга хэмжээг авч хэрэгжүүлсэн.  Гэхдээ Орос, Япон зэрэг зарим улс үүнийг үл тоомсорлож, хууль бусаар халим барьж байсан. 1900-1999 оны хооронд 2.9 сая том халим агнаж хууль бус үйлдэл илэрч хариуцлага тооцсон ч   бодит тоо нь хамаагүй өндөр гэж үздэг юм.