Монголын эрүүл мэндийн ажилтны үйлдвэрчний эвлэлийн холбооноос “Хөдөлмөрийн үнэлэмж-Амьдралын баталгаа” тайван жагсаал хийжээ.

Засгийн газарт зургаан шаардлага хүргүүлсэн.Үүнд: 

1. Эрүүл мэндийн салбарын санхүүжилтийг дотоодын нийт бүтээгдэхүүний зургаан хувьд хүргэх, 
2. Төрөөс даадаг даатгуулагчдын эрүүл мэндийн даатгалын шинэтгэлийг гурван болгон нэмэгдүүлэх, 
3. Хөдөлмөрийн хөлсний доод хэмжээг хуулийн дагуу шинэчлэн тогтоох, 
4. Гүйцэтгэлийн санхүүжилтийн тогтолцооны гажуудлыг арилгах, оновчтой болгож, эмч ажилтнуудын үндсэн цалинг 50 хувиар нэмэгдүүлэх,
5. Эмнэлгийн мэргэжилтний ажлын үнэлгээг бодитой үнэлж, дүрэм журмыг шинэчлэх, 
6. Эрүүл мэндийн салбарын ажилтнуудын иж бүрэн ажлын хувцасыг улсын төсөвт нэмж тусган хэрэгжүүлэх. 

Дээрх шаардлагыг биелүүлээгүй тохиолдолд  хамтын маргаан үүсгэж, шат шатны тэмцэл хөдөлгөөн үүсгэхээ албан ёсоор мэдэгдсэн. Шаардлагын хариуг 2024 оны аравдугаар сарын 15-ны дотор ирүүлэхийг сануулжээ.