Өөх, тосыг Монголчууд хоол хүнсэндээ  их хэрэглэдгээс  шалтгаалж Монгол улсад зүрхний өвчлөл хавдрын өмнө бичигддэг. Энэ төрлийн өвчинд артерийн даралт ихсэх, зүрхний архаг дутмагшил, зүрхний шигдээс буюу миокардын инфаркт зэрэг өвчнүүд хамаардаг.

Зүрх судасны өвчин сүүлийн үед залуужиж байгаа нь:  

•    Нас
•    Хорт зуршил
•    Буруу хооллолт
•    Хөдөлгөөний хомсдол
•    Халдвар зэрэг шалтгаануудаас болдог.

Зүрхний өвчний үед дараах  шинж  тэмдэг  ажиглагдана.

-Цээжээр хүчтэй өвдөж, амьсгал давчдах.

-Цээж хорсох, хоолой руу шахах мэдрэмж төрөх  

Өвчүүний   ар талд өвдөнө. Өвдөлт зүүн гар, хүзүү, доод эрүү рүү дамжиж 20 минутаас дээш хугацаанд үргэлжилбэл эмчид яаралтай хандаарай

Амьсгаадах, бачуурах, амьсгал давчдах
Аюулхай орчмоор өвдөх, бөөлжис цутгах, бөөлжих, өтгөн шингэрэх
Артерийн даралт буурах, муужирч унах

Махан хоолонд дургүй болж оройн цагаар амьсгаадалт нэмэгдэнэ, Доод мөчөөр хавагнана.

Зүрх савлах, зүрх тасалдах мэт санагдах

 Толгой эргэх, ухаан балартах, тархинд цус харвах

Эмэгтэйчүүд, өндөр настнуудад ядарч сульдах шинж илэрч болно.

Зүрх, судасны өвчнөөс урьдчилан сэргийлэх арга: 

1. Артерийн даралтыг хэвийн хэмжээнд барих.  Артерийн даралт ихтэй хүмүүст хэт халуун нь аюултай.

2. Цусан дахь сахарын хэмжээг хэвийн болгох. 

3. Архи, тамхинаас гарах, гэр бүлийнхээ гишүүдийн дэргэд тамхи татахгүй байх .

4. Илүүдэл жингээ хасах. Өдөртөө эрүүл агаарт хагас цагаас багагүй хугацаагаар алхах.

5. Хоолондоо амьтны гаралтай өөх тос, холестерин агуулсан хүнсний бүтээгдэхүүн аль болох бага хэрэглэх хэрэгтэй. Жимс ногоо, тахианы мах, ургамлын тос, загасны махыг түлхүү хэрэглэх нь зүйтэй.