Хятад улс сарны суурь барихад ашиглах боломжтой тоосгыг бүтээхээр дээжийг сансрын станцдаа илгээнэ.Тоосгыг эрс тэс нөхцөлд тэсвэрлэх чадварыг судалж, сарны суурь барихад ашиглах боломжтой эсэхийг шалгах аж. Сарны хөрсний симуляцийн янз бүрийн найрлагатай тоосгоны дээжийг Тяньжөү 8 ачааны хөлөг онгоцоор Тяньгун сансрын станц руу хөөргөнө гэж Хятадын хэвлэлүүд мэдээлсэн.

Тоосго нь гурван жилийн турш сансарт туршилтанд хамрагдана. Тоосгыг хэт ягаан туяа, сансрын туяагаар бөмбөгдөж, температурын зөрүүнд өртөх эсэхийг шалгах юм. Ингэснээр эрс тэс орчинд тоосгоны бат бөх байдал, тэсвэрлэх чадварыг тооцно. Энэ туршилт нь саран дээр барилга байгууламж барихад ямар найрлага, ямар арга хамгийн тохиромжтой болохыг олж мэдэх зорилготой юм.

 CCTV-ийн мэдээлснээр эдгээр тоосгонуудыг бүтээхдээ синтерийн зууханд цахилгаан соронзон индукц ашиглан симуляторыг 1830 хэмээс дээш (1000 хэм) халаах явдал юм. Энэ процесс нь материалыг хатуу бүтэцтэй болгож, ердөө 10 минутын дотор 7 инч (18 см) урттай тоосго үүсгэдэг. Сар руу материал хөөргөх нь асар их үнэтэй тул сарны нөөцийг орон нутагт ашиглах нь зардлыг эрс бууруулж, сарыг судлах боломжийг нэмэгдүүлэх боломжтой гэж үзжээ.