Вашингтон муж дахь далайн усан онгоцны буудалд голын халиуны дайралтын улмаас хүүхэд усан онгоцны зогсоолын ус руу унасан. Улмаар халиу усан доогуур хүүхдийг чирсэн гэж Вашингтоны Загас, зэрлэг ан амьтдын хэлтэс мэдэгджээ. Китсап мужийн Бремертон Маринагийн усан онгоцны зогсоол дээр байсан хүүхдийн ээж хэсэг хугацааны дараа халиу дахин гарч ирэхэд маш хурдан хөдөлж хүүхдээ уснаас татан авч аварсан. Халиу ээжийнх нь  гарыг хазахаар дайрсан байна.  Хүүхдийн толгой, нүүр, хөлийг халиун хазсан бөгөөд эмч нар хөнгөн гэмтэл гэжээ. Загас, зэрлэг ан амьтдын хэлтсийн түрүүч Кен Балазс “Хүүгийн ээжийн санаад оромгүй хурдан үйлдэл, хүүхдийн тэсвэр тэвчээрийг” магтжээ.

АНУ-ын Хөдөө аж ахуйн яамны Зэрлэг ан амьтдын үйлчилгээний газар голын халиунуудыг усан онгоцны зогсоолоос барьж, өөр тийш зөөвөрлөсөн байна. . Халдлага болсон газрын голын халиуны нэгийг барьж, галзуу өвчинтэй эсэхийг шинжлүүлэхээр Вашингтон дахь амьтны өвчний оношилгооны лабораторид хүргэсэн байна. Сүүлийн арван жилд Вашингтон мужид хүн голын халиуны дайралтад өртсөн зургаан тохиолдол бүртгэгдсэн байна. Өнгөрсөн жил Монтана мужийн Жефферсон голын эрэг дээр гурван эмэгтэй халиуны дайралтад өртжээ. Гурван эмэгтэйн нэг нь хүнд гэмтсэн байсан тул нисдэг тэргээр эмнэлэгт хүргэгдэж байжээ.