Монгол улсад 226,000 төрийн албан хаагчаас 120,000 нь боловсролын салбарт ажиллаж байна. Боловсролын салбарт нийт 4200 гаруй мэргэжилтэй боловсон хүчин дутагдаж байна.Тиймээс математик болон байгалийн шинжлэх ухаан, анагаах ухаан, мэдээлэл харилцаа, технологи, хууль, бизнес, эдийн засаг, урлаг, англи хэлний чиглэлээр дээд боловсролын сургалтын байгууллагыг 2.7-оос доошгүй голч дүнтэй төгссөн, бакалавраас доошгүй зэрэгтэй иргэн, оюутнуудыг 45 хоногийн танхимын сургалтад хамруулан багшлах эрхийг олгон гэрээт багшаар ажиллуулна гэдгийг БСШУ-наас мэдээлсэн. Мөн 45-аас дээш хүүхэдтэй ангиудад туслах багш ажиллуулна. Багш нарын цалинг нэмүүлэх хүсэлтийг ХГБХНХЯ-руу тогтмол хүргүүлнэ  гэдгийг онцолсон байна.