Хүүхэд хамгааллын тухай хуулийн шинэчилсэн найруулгыг хэлэлцсэн. Энэ үеэр цахим орчин, өргөн нэвтрүүлгээр түгээсэн контент, мэдээ, мэдээлэл, бүтээл нь хүүхдэд хортой агуулгатай эсэх талаар дүгнэлт гаргах чиг үүрэг бүхий “Орон тооны бус зөвлөлийн бүрэлдэхүүн, ажиллах журам”-ын төсөл боловсруулсныг танилцуулсан.   Цахим орчинд хараал хэрүүл бичдэг, зүй бус үг хэллэг хэрэглэдэг, хувь хүмүүсийн фэйсбүүк хаяг хэдэн мянгаараа байхад яам, агентлаг, газар хэлтэс нь юу ч хийж чадахгүй байхад орон тооны бус зөвлөл юу хийж чадах нь үнэхээр сонин. Цахим орчноо хянаж чадахгүй байж цахим үндэстэн болно гэж лоозон барьдаг ярьдаг болсоор удсан. Фэйсбүүк компани руу хүсэлт явуулаад уддаг юм бол ядаж мэдээлэл технологийн нэгдсэн баг ажиллуулаад хараал хэрүүл урсгасан постыг нь ч болсон устгадаг болох шаардлагатай.   Томчуудын хараал хэрүүлийг хүүхүүд хараад суух ёсгүй.