Хичээлийн шинэ жил эхэлж  хөдөө орон нутгаас оюутнууд иргэд хотод орж ирж түрээсийн байрны эрэлт нэмэгддэг. Энэ эрэлтийг залилагчид ашиглан байрыг давхар түрээслэх гэмт хэрэг эрс нэмэгдэж байна. Тиймээс хэрэв та байр түрээслэх гэж байгаа бол үл хөдлөх хөрөнгийн гэрчилгээний эзэмшигчийн нэр болон гэрчилгээний дугаарыг и-монголиа системээр шалгаж үзэх, цахим үнэмлэхийн хуулбарыг авах, гэрээ хийсний дараа төлбөрөө шилжүүлэхийг цагдаагийн байгууллагаас анхааруулж байна.