Нийслэлийн зургаан байршилд 2.4 км цэвэр усны шугам хоолойг доторлон шинэчлэхээр төлөвлөөд байна “Шугам доторлогооны төсөл хэрэгжиж эхэлснээс хойш өнөөдрийн байдлаар 150-400 мм-ийн голчтой 16.6 км шугам сүлжээг доторлож, шинэчлэн бүрэн ашиглалтад оруулсан байна. Хамгийн өндөр хүчин чадалдаа шугам хоолойг нэг шөнийн дотор буюу 12 цагийн дотор шинэчлэх чадвартай. Насжилт өндөртэй ган хоолойн шугамыг өндөр даралттай усаар угааж, дотор хананд тогтсон зэвийг бүрэн арилгаж, цэвэрлэдэг. Үүний дараа шугам хоолой дотор камер гүйлгэн дүрс оношилгоо хийж, шилэн даавуун доторлогоо хийнэ. Ингэснээр насжилт өндөртэй шугам хоолойноос зэвтэй ус гардаг асуудлыг бүрэн шийднэ. Энэхүү  шугам хоолойд 100 жилийн баталгаа өгч байгаа аж.