Эрдэмтэд англи халиуг шинжилж химийн нээлт хийжээ. Английн судлаачид үхсэн халиуны биеэс PFAS-ийн нэгдлүүдийг олж илрүүлсэн нь химийн хорт бодисын байгаль орчинд үзүүлэх нөлөөллийн талаар санаа зовниход хүргэсэн. PFAS – перфторалкил ба полифторалкил бодисууд нь задрахад олон мянган жил шаардагдах тул “мөнхийн химийн бодис” гэж нэрлэдэг.

Кардиффын Их Сургуулийн Халиуны Төслийн шинэ судалгааны багийнхан химийн бодис хэрэглэж байсан үйлдвэрийн ойролцоо олдсон үхсэн халиуны биед PFAS-ийн концентрацийг шинжилсэн байна. 2015-2019 оны хооронд 20 халиуны биеэс 33 төрлийн PFAS нэгдэл илэрсэн болохыг тогтоожээ.

Олдсон нэгдлүүдийн нэг нь Их Британид ч үйлдвэрлэгддэггүй бөгөөд Хятадаас импортолсон бүтээгдэхүүнээр дамжуулан байгальд нэвтэрсэн байж магадгүй гэж эрдэмтэд үзэж байна.