Пенсильвани мужид болсон сонгуулийн арга хэмжээний үеэр АНУ-ын ерөнхийлөгч асан Дональд Трампын амь насанд халдах оролдлого гарсан. Тайзан дээр үг хэлж байсан Трампын чих бууны суманд оногдож, шархадсан юм.Трампыг буудсан хэрэгтэн 20 настай Томас Крукс байжээ. Крукс барилгын дээвэр дээр гарч, Трампын үг хэлж байсан тайзнаас 160 метрийн зайнаас аав нь худалдаж авсан гэх AR загварын буугаар буудсаныг тогтоосон. Нэгэн офицер дээврээс Круксийг буулгах гэж оролдсон ч Крукс эргэж офицер луу бугаа чиглүүлээд дараа нь тайз руу буудсан байна. Крукс сонгогчдын нэрсийн жагсаалтад Бүгд найрамдах намын гишүүнээр бүртгэгдсэн байсан.Гэрийнхээ ойролцоох асрамжийн газрын гал тогоонд ажилладаг Бетел Парк ахлах сургуулийг төгссөн нэгэн байжээ.

Энэ хэргийг Ерөнхийлөгч асан Дональд Трампын амийг хөнөөх оролдлого гэж Холбооны мөрдөх товчоо тайлбарласны дараа Байден “Улс төрийн температурыг бууруулах шаардлагатай. Зарим асуудалд санал нийлэхгүй байж болох ч бид дайсан биш. Бид хөршүүд, найз нөхөд, хамтран ажиллагсад, АНУ-ын иргэд,АНУ-ын гудамжинд хүчирхийлэл байх ёсгүй” гэсэн. Мөн Трампыг орон нутгийн эмнэлэгт үзүүлсний дараа Байден утсаар ярьсан гэдгээ хэлжээ.